Tukum Kawlpi Zomi Khuado pawipi pen Oct.31, 2012 nitakin thupi leh nopcitakin kibawl thei hi. 5:30 Pm.panin Kalay University ah motor cycle tawh khuailakna nei dingin kipai ciat hi. Tua mun ah makai pawlkhat in Khuang, Daak, Sialki leh nausau, teipi te tawh lamsaina hong nei uh hi. K.U Gate bul ah cycle tunga suan ding sticker leh meidet dingte kithuah ciat a, mi kitam mahmah hi. Makite khat i sansatna ah mimal 1000 peuhmah pha hamtang ding hi, ci-in gen hi.
K.U panin nai sagih sat dektakin kikuan suk a, Kawlpi lansong, lamka bom kikoi kot a, nai 7:30 hunin Maandat tualpi (ZBCM Hall) kitung hi. Innngak mipi khempeuh in vaidawna leh zahtak piakna kinei hi. Mipi in sawt veipi ngak uh ahih manin tuasungin H.Vum Nang (ZRDP makaipi'pa) in lasakna leh hanthotna honpi khat nei cih thu zong gen uh hi. Hunbawl dan hih a nuai a bang ahi hi.
KUM 2012 KHUADO PAWIPI HUNGEELNA:-
(HUN MASA)
1. Announcer : Lia Man San Niang (KBZ Bank) leh Lia Nem Sian Cing (II yrs.Match K.U).
2. Tabapatih ten Stage, pulpit luahna hong nei uh a, mipi in khut kibet ziahziah hi.
3. Tabapatih pen U Khai Deih Tuang (Hlotdaw) in thugenna nei.
4. Kalay District Chairman, U Linn Zaw Twe in thapiakna hong nei.
5. Khuado pawi tawh kisai theihhuai pawlkhat, Revd Dr Man Hau Cing.
6. Lungdampihna lai simkhiatna: U Daniel (NLD, Kalay Township)
7.Khuado pawi committe pan Lungdam kohna: U Song Za Tuang
8. Lungdamkoh pahtawi piakna: U Vum Lian Pau (Secretary, Khuado committee)
9. Khuado bawlzia suut kikna leh a kisam pawlkhat: U Gin Khan Pau (Chairman, Khuado committee) in hong nei hi.
10. Tabapatihte pulpit tungpan kmkhia in a tutna uh zuan kik.
2. Tabapatih ten Stage, pulpit luahna hong nei uh a, mipi in khut kibet ziahziah hi.
3. Tabapatih pen U Khai Deih Tuang (Hlotdaw) in thugenna nei.
4. Kalay District Chairman, U Linn Zaw Twe in thapiakna hong nei.
5. Khuado pawi tawh kisai theihhuai pawlkhat, Revd Dr Man Hau Cing.
6. Lungdampihna lai simkhiatna: U Daniel (NLD, Kalay Township)
7.Khuado pawi committe pan Lungdam kohna: U Song Za Tuang
8. Lungdamkoh pahtawi piakna: U Vum Lian Pau (Secretary, Khuado committee)
9. Khuado bawlzia suut kikna leh a kisam pawlkhat: U Gin Khan Pau (Chairman, Khuado committee) in hong nei hi.
10. Tabapatihte pulpit tungpan kmkhia in a tutna uh zuan kik.
Announcer tegel
(HUN NIHNA):-
(1) Kalay University Siansinte in "Zogam Lapi" sakna hong nei uh hi.
(2) Pu Zam Khen Thang' makaihna tawh Khuailak laamsaina hong nei uh hi.
(3) Bethel Zomi Khangnote in Aksi Laam hong nei uh hi.
(4) Zoptung ngeina laam lahna hong nei uh.
(5) Sizang Siamsinte in "Seino Laam" cih laamsaina, lim lahna hong nei uh.
(6) Sanmyo ngeina lam kipawlna te'n, Guahtah laam hong nei uh.
(7) Hakha te in ngeina laam lahna thangahhuai phadiakin hong nei uh hi.
(8) Chianmyahaungshi Siangsawn khangnote in ngeina lam lak.
(9) Aerobit lamna nungak mi 9 in hong nei.
(10) Naulak ngeina lam pawl in, Tonko la tawh hong zai uh hi.
(11) Lia CiCing in tulai laam, a lamdang sinin pumpi tawh lahna nei.
(12) Lushai/Mozo ngeina lamlahna thupitak nei.
(13) Bethel Zomi te in Zogam Nuam cih lamna, lasakna nei.
(14) Falam te in ngeina laamlahna, "Lairam a mawi, Lairam ka ngai" cih.
(15) Siamsin lampanin Ngeina laam lahna hong nei uh.
(16) Thahdo-Kuki te in ngeina laam lahna hong nei uh.
(2) Pu Zam Khen Thang' makaihna tawh Khuailak laamsaina hong nei uh hi.
(3) Bethel Zomi Khangnote in Aksi Laam hong nei uh hi.
(4) Zoptung ngeina laam lahna hong nei uh.
(5) Sizang Siamsinte in "Seino Laam" cih laamsaina, lim lahna hong nei uh.
(6) Sanmyo ngeina lam kipawlna te'n, Guahtah laam hong nei uh.
(7) Hakha te in ngeina laam lahna thangahhuai phadiakin hong nei uh hi.
(8) Chianmyahaungshi Siangsawn khangnote in ngeina lam lak.
(9) Aerobit lamna nungak mi 9 in hong nei.
(10) Naulak ngeina lam pawl in, Tonko la tawh hong zai uh hi.
(11) Lia CiCing in tulai laam, a lamdang sinin pumpi tawh lahna nei.
(12) Lushai/Mozo ngeina lamlahna thupitak nei.
(13) Bethel Zomi te in Zogam Nuam cih lamna, lasakna nei.
(14) Falam te in ngeina laamlahna, "Lairam a mawi, Lairam ka ngai" cih.
(15) Siamsin lampanin Ngeina laam lahna hong nei uh.
(16) Thahdo-Kuki te in ngeina laam lahna hong nei uh.
Hih bang teng tawh nitak masa hun ki-hialbawl a, zan nai 11 pawlin kiciah hi. Mipi pen huang in kitazo lo in kiza ahih manin tul nga sang tawm zaw lo dingin ki ummawh hi. Zingciang/ Tuni Kalay Zomus te makaihna tawh khangthak lasakna, Concert na neih dingin kizasak hi.
Mipi pen upmawhna sangin nakpitakin hong tam zaw tham a, makaite'n tha ngah mahmah uh hi. Tutphah zong mandat tualpi dim dek phial mah kigual a, mipi tampite in tawldamtakin thu ngai thei/en thei uh hi. Tuaban ah i sanggam namdang te'n zong i sapna bangin picingtak mahin hong kuan uh a, kilawmtakna hoih mahmahin kingaihsun hi. Maikum lamah zong a thupi semsem a bawl zawh ding lunggulhna leh geelnate kikum to pah ciatciat uh hi.
Hihbang pawipi hong pian khiatna dingin Committee a tuamtuam panin nakpitak hong vaihawm uh a, a diakdiakin zattangzang ding a hong kipiakhia Siamsinte' tungah zong kilungdam mahmah hi. Tuabanah hausa lampanin Pa Gopu (Pinlong hausa) in nakpitakin tha hong sanpih a, ZYA motor zong a kulna banga zat dingin hong pia khua uh a, kilungdam mahmah hi. A dangdangte zong committee in lai tawh kiciantakin ciamteh uh hi. (keima theihpih pak teng cihna ahi hi). Pa Pau, Chairman in zong a hunngah danin kul leh kitangsam a sak teng hong zom leh ci hang. Tuabek hi lo-in, hihbang hong pian theihna dingin Committee te in inn lusikin panpihna ngen ngiatngiat uh a, mi tampite' piakkhiatna tawh hong piang thei ahih manin tuate' tungah zong i lungdam mahmah hi.
Journalist lampanin makaipi nih leh thum zong hong pai uh a, Skynet ah suahsak dingin hong geelpih uh hi. A lemtheih a leh nino ni bang a suahsak dingin gen uh hi. Mi tampi in hong lunglutpih, thangah uh cih kimu hi. A kisam lai teng a hunzui-in kizasak to to ni.
NB: Committee' tavuanpiakna tawh keima ciapteh manteng hibang hi a, a kituak lo a om leh kipawhksakin i puahpha to ding hi. Maan/Photo pen thuciapteh kawmna tawh a kizaih kha lo leh hong suak kim lo om thei ding ahih manin tuate Video sungah kimtakin om ding ahih manin theihsiam i ci ding hi.
A TUAMPIAN DIAK A KA CIAPTEH:-
(a) Makaite' vaihawmna, makaihna pen mipi in zui zo mahmah uh, thu kimang mahmah cih ki mu khia thei hi. Buaina zong om peuhmah lo-in hall sung leh kim-le-pam daihna om hi.
(b) Lia CiCing in ama hih theihna, kivakna tawh limpiah i cidiam, pumpi khut leh khe zat dan a pian dangdang hong lahna in mipi huup mahmah, tha kingah mahmah hi. Amah pen a kigen teh Township leh Division dong ah hihbang kimawlna lam a kihel zel kici a, i angtang tuam mahmah hi. Numei no a lemte zong nasia kisa thei mahmah hi.
(c) Bethel Pawlpite'n Aksi Laam lahna hong neih uh pen a style thak kimuh beh a, tha kingah mahmah hi. Hih laam lahna pen a masa-in Tahan Tuiphum nupi la (or) nungak ham pawlkhatte' hong patkhiat uh hi a, Bethel te in a tawpna ah Z limlahna tawh hong khawl diam se uh a, etlawm mahmah hi.
(d) Hakha te in la amau la khum sa, music tawh la hoih mahmah hongin, amau lah tam, lam lah siam, kituak diamdiamin hong lam letlet uh ahih manin hun sawt sim ta leh kuamah cim vet lo-in tha kinak ngah mahmah phadiak hi.
(e) Ih sanggam namdang, paudangte i sapna bangin picingtakin hong pai ciat uh pen a lamdang phial ka sa a, thupi kasa mahmah hi. Tuaban ah Falam leh Mizo lamte diakdiak pen a mel uh zong kiteng pianpian uh ahih mai diam vaang vaam thei mahmah uh hi. Eite'n zong minam dang lak ah sapna i ngah a i kihel ding ciangin tua dan pian zong geel kawm leng kikhial lua in ka um kei hi.
(f) Tua lo a dang khempeuh zong etlawm leh thangahna vive hong hisak uh ahih manin i lungdam mahmah hi.
Khuado maan/Photo honpi khat khak ding ka bawl leh lut hak pian ahih manin a dangte a lem danin kong khak kik ding uh hi. Hih lai a sim mimal tungah tanglai a i pu i pate' khuado na tawh dawite kihawl khia a, kum pha a to uh bangin i biak Pasian' kiangpan nopna thupha hong tung kim ciat ta hen. Ka lungdam.
Ref: zomidaily
No comments:
Post a Comment