Zongamah Vanleng tualpi (Airport) Kibawl ta ing

Kawlgam sung State le Division tuamtuamte lak pan a tamzaw ah vanleng tualpi (Airport) kineikhin a, Zogam (Chin State) ah tuni dong kinei zolo hi. Tua bang kawm kalah Kawlgam kumpi thakte' deihsakna tawh Falam District sung Falam pan Tai (10 miles) a gamlatna Surbung kicihna munah Zogam vanleng tualpi kibawl ding cih kiza hi.

Hih thu tawh kisai-in, Falam khuapi a om kumpi Department tuamtuam pan thuneite le khuanu khuapate in Falam District General Administration zumpi ah October 28,2012 ni-in thukikipna nasiatak nei uh ci hi. Tua thukikupna pan Vanleng tualpi piangsak Committee zong anuai a bangin kiphuankhia cih kiza hi.

Thuvanpi (Patrons):

-U Soe Tint (Falam District General Administration Officer)

-Pu Ngun San Aung (Chin State Construction Minister)

-Pu Kap Tial (Chin State Chief Judge)

-Siapi Van Kyi (Retired Chin State Education Officer)

-Pu Lai Ir ( Falam Township Hlutdaw Representatives )

- Pu Nah Thang  (Falam Township Hlutdaw Representatives)

-Pu Khuang Ling ( Falam Township Hlutdaw Representatives)

Executive Committees:

Pu Lal Tin Mang.............Chairman

Vice Chairman ..............Falam gam ki-ukna lam Ulian khat le District Senior Engineer

Pu Ca Awi ....................General Secretary (Falam Township Vice Administration Officer) 

Pu Lian Luai .................Asst.Secretary-1, (District Judge Officers),

Pu Tha Peng ................Asst. Secretary-2, (Township Senior Engineer)

EC Members:

- Departments tuamtuam pan Township Officers le kumpi zum lam Ulian teng

- Salai Biak Khrih Mang (Canada)

- Pu Thawm Hlei Mang ( Europe )

- Pu Rual Than Khum   (Australia)

- Pu Van Thawng Lian  (Singapore)

Finance Committee:

- Pu Za Hei                    (President )

- Pu Hrang Lawm Thang (Secretary )

- Pu Zung Bawi Pum      (Manager of Falam Township Economic Bank)

Hih Zogam Airport bawlna ding vai tawh kisai-in, U Thant Zaw Moe ( Engineer of Yangon Airways International) makai in Engineer misiam 10 te in  October 24-26,2012 sungin Surbung mual etna nei uh cih kiza hi. Tua Surbung Airport mun ding pen Zogam (Chin State) ah mun hoih pen le a lauhuai lopen mun hi dingin Engineer te in kipsakna nei uh ci hi. Kawlgam sungah a zawng pen le atualniam pen akiciamteh ahi Zogam (Chin State) ah Vanleng tualpi om zolo a, khualzin gamvaakna ah Tuk sung nangawn in Motor bekbek kizangh ahih manin, motor tuahsiatna (Accident) hangin sihna manna le supna tampi kituak ahi hi.

Tua ahih manin, hih Zogam vanleng tualpi ( Surbung Airport) hong kibawlkhin le Bus tuahsiatna le supna baina tampi bei tuam dinga, gamdang pan Kawlgam kitungsuak bek tham loin, Yangon / Mandalay International Airport te pan hun tomno sungin pianna Zogam kitungsuak ta ding hi. Tua banah Kawlgam sung Vanleng kizopnate sungah Zogam (Chin State) zong akihelzo ding suak ta ahih manin Zomite Pasian in hong lamto taktak ahihna kimuthei hi.

Source by : Chin World Media