America Kumpi Obama i Kawlgam zinna ding a akisam avanzat ding vante apaima a apuak khol dingin, America Air Force pan Gal vanleng pite in, November 8 nipan kipan in Kawlgam Yangon International Airport ah hong tung ahih nathu thuthak kiza ahi hi.Tua gal vanleng pite in, November ni 8 pan in 13 ni dong America Air Force pan C17 vanleng tawh trip 5,adang vanleng khat tawh trip 2, akigawm in trip 7 dong kileh kawikawi in apai cih thu om ahih na zong kiza ahi hi.
America Kumpipa i Kawlgam hong paina ama i kikepkholna/bitna ding (security) tawh kisai in November 8, ni America gam a tavuan neih teng tuanna passenger vanlengpi khat le November 11 ni thusai ulian mi 9 te setvan (machine) tuamtuam te puakawm in hong pai khin a,November 12 ni in America Air Force a Gal vanleng pite ahi C17 vanleng 2 te le November13 ni in C17 vanleng 3 te cihbang in Yangon vanleng tualpi ah hong tu ahi nathu te kiza ahi hi.
Tua America Air Force pan a, Gal vanleng te in US, President angah kik Obama Kawlgam hong zinna sung a azat ding (Helicopter) vanleng te thautang pallet zolo, le bomb kisiah te adozo ding special a kibawl Motor te le adang vanzat nalamdang tuamtuam te,security tawh kisai, kigalginna vante zong ahi hi. Hih thu Yangon vanlengtual a om thuneih amin phualsel khat in gen khia ahi hi.
Tua ban thamlo November 15 ni le 17 ni te in zong America Air Force pan a gal vanleng tampi te Kawlgam Yangon International Airport ah hong tu lai ding ahih nathu te zong kiza kholh khin hi. America Kumpi ading term 2 na angah thak kik Mr.Barack Obama in Kawlgam ah November 19 ni in hong pai ding a Kumpi U Thein Sein le National League for Democracy (NLD) President Daw Aung San Suu Kyi tawh kimu ding ahih nathu zong kiza ahi hi.
Ref: tongsan
No comments:
Post a Comment