ZCD Party in CEC Panmun kiteelna nei khinta

Kumpi theihpihna angah Zomi Congress for Democrecy (ZCD) Party te in Central Executive Committee (CEC) kiteelna le kipsakna pen October 29,2012 ni-in Pu Chin Sian Thang ( President of ZCD) inn, Yangon ah kinei a, a nuai mi teng CEC panmun len dingin kiseh cih kiza hi. Party phuatkikna ding a hanciam makaite' sung pan Pu SB Thangpau, Pu Lengtong Kam Khen le Pu Tha Kyi cih teng kihel theilo u hi.

ZCD CEC Members:

President                         - Pu Chin Sian Thang

General Secretary             - Pu Gin Kam Lia

Asst. General Secretary (1)-Pu Zam Za Mung

Asst. General Secretary (2)-Pu Pau Lun Min Thang

Treasurer                         - Pu Cin Suan Mang

Accountant                      - Pu Ngul Khan Dal

Auditor                            - Pu Song Do Langh

Member :

Pu Khup Khan Mung (Publisher)

Pu Hau Mun Khai

Pu Kam Lam Khup

Pu Anthony Kap Khan Khual

Pu Pau Kim Tuang (Information)

Hih a tunga CEC tengin panmun kisam lai ahi Patron, Adviser le Committee tuamtuamte akisam bangin sehna nei lai ding uh hi. Tua banah, mai 2013 kum sungin ZCD party gambup khawmpi zong Zogam ah thupitak kibawl dinga, tua khit ciangin party kalsuan zia (policy), strategy vai le makai behlap laina ding cihte akipan limtak kinei ding ci hi.

Tua banah ZCD party min thak tawh mipi tungah ZCD vai kipulahna (Introduction) pen mai November 2012 kha kipat sungin bawl zawh hamtang ding khensatna nei uh ci hi. Zogam lam pan party member lutna (form) zong 1,200 kingah khin ta ahih manin, tua Sazian teng Digital tawh akikhetkik khit ciangin Myanmar Election Commission (MEC), Nyipidaw ah kipuak ding ci hi. MEC tawh party tawh kisai zum vai nasepte akiman khit ciangin a munmun ah party SIGNBOARD kisuang thei ta ding cih kiza hi.

By: Kim Tuang

Information of ZCD