Mexico pan US alut sawm mi 513 kiman:

USA alut sawmte' Mexico ah kiman'h

Mexico ngam pan USA ngam sung alut sawm mi 513 te May 17,2011 Tuesday ni-in, Mexico thuneite in man uh cih kiza hi. Tu mite pen Guatemala ngamgi pan Container mawtaw sungah nai tampi sung kikhum cip ahih manin, huih ngahlo banah annek tuidawn kipia lo; Container sungah thazawm ngawpin sidawn liang uh ci hi.

Puaisa (Agent) te in Mexico ngam pan Container tawh US ngam sung pan Mawtaw dang khatah kilaihsak ing cih ngeelna nei uha, tubang kawmkalah kiman khata hi. Tubang apai seihnangin Puaisa (Agent) te' tungah mi khatciang US$ 7,000 pia uh hi. Hi mite sungah El Salvador ngammi 47, Ecuador mi 32, India mi 12, Nepal mi 6, Sen ngammi 3, Japan le Honduras pan khat tuak ci hi. Numei 32 om in a tamzaw 400 valte pen Guatamala ngam pan ahi uh hi.

Source: AFP