Khualzin Sungpi (Bag) pi sungah misi luang kimu:

Cecelia Chong (23) maan

India ngam New Delhi, Uttam Nagar ah innsap aom Nigeria ngammi Innocent Nwayo inn sungah May 22,2011  Sunday ni-in numei misi luang khat khualzinna akizang Sungpi(Bag) lianpi sungah kitun aom India palikte'n mukheh uh hi. Tu numei nu min Cecelia Chong(Kum 23) pen Manipur lam pan azinto Kawlngam mi (Thado/Kuki) minam hi kha inghi cih ki-ummawh hi.

Palikte'n numei nu thu akantak ciangin abeisa 2005 kum lai peka Kawlngam pan New Delhi atung ahihna le ning kumin apasal Kam tawh kikhen cih thu palik thunei Mr. V. Renganathan in soikheh hi. Nungak nu min le a hihna akiseihna pen Manipur lampan New Delhi ah sangkah aom alawmnu khat ii Mee(Vote) piakna ID Card tungtawnin kisei kheh hi.

Nu Chong@ Cecelia pen alawmpa tawh akikhen khit akipan New Delhi aom mivom Nigeria mite tawh a kisuah khawmden ahihna thu misi nu lawmnu in palikte tungah soi hi. Hih numei nu sihna tawh kisai in amah tawh akisuah khangei mi tampi zong kidong kawkawi ci hi. Mrs. Chong@Cecelia ii luang kimuhna Mr.  Innocent Nwayo Nigeria pa ii min man tatak pen Mr. Mac hi-in, min manlo khat tawh India, New Delhi ah a om sim ahihna thu Palikte in sei kheh uh hi.

Numei Cecelia Chong aluang hawm pen May 23,2011 ni-in Delhi Police (Uttam Nagar Police Station), Kuki Students Organization of Delhi, Kuki Students Democretic Front, Burma (KSDFB), le Tedim Chin Students Association, Delhi (TCSAD) leh Vikaspuri Zomi Christian Fellowship Pastor T.K.Lian hunzatna tawh kingui cih kiza hi.

Source: CLT

Mr. Innocent Nwayo (Nigeria)