Cianlep e cih pen zo ngei na pawi thupi mah mah khat hi a, a zaw deuh in theizang lam ten ki tam zat hi. A tam zaw in Dec 31/Jan 1 ni kim ki lim zat pen hi. Ka teih na a bat leh Suangzang lam te bang in Dec 26 ni pan ki pan in kum thak dong zang uh hi. Tu hun ciang in zomi te muan tuam tuam ah e tung na tawh ki zui in, a muan leh a gam zui in Dec leh Jan kha kim pawl in ki bawl kawi kawi hi.
Tukum cianlep zong mu tuam tuam ah ki pawl kawi kawi a, 4 Jan 2013 ni in zong MIY (Mualbeem Innkuan Yangon) ma kai in Yangon a ei zo khua (zomi town) Yazana Garden City a om Gospel Descendant Church ah nuam tak in ki bawl hi cih thu ki za hi. Gospel Descend Church i cih pen, ei zolai album ngaih mah mah khat a hi "It na Laigil" hong thohkhia pawlpi te a hi hi.
Tua pawi pi ah,
Sya. Lian Bawi
Dr. Mangpu
Sya Pau No (Dong Khan Pau) - Senior Pastor, Prayer Warrior Church
Sya Khaipi (Suan Go Khai) - Senior Pastor, Harvester Church
Inntek pupi Sya Zam Mawng (Khai Khen Zam)
- Senior Pastor, Gospel Descendent Church
leh Khau nu khau pa te in khang no te a ding thei huai thu hoih tampi gen na hong nei a, tha kingah mah mah hi cih thu ki za hi.
USA a zomi town tulsa ah zong, Dec kha sung in ki pawl khin a, Malaysia Pandan Padana veng ah Jan 1 in ki pawl hi. Australia lam ah zong bawl ding ki han ciam ciam lai hi cih thu ki za hi.
Thuphuak,
Mungsen
No comments:
Post a Comment