Kawlgam khuata neunono te genloh Kawlgam khuapi Yangon naleng huntawh kizui khuapi kipuah zopeuhmah lo ahihi cih kilang hi. Hih in sum kisam hi peuh mah lo in kiuk zia leh kimakaihzia danzui theitel lo kiukna in huam kha ahihi.
Yangon Nungzang guhpi (Alliance Yangon) kum (30) sung gel leh sep vaihawmna ah Japan pan in $ 200 million panpihna om ding cih Khuasung Puahsiam Nopcisak (Myodaw Siibyin) upate tungpan kithei ahihi.
Gel leh sep nadungzui in kum nga sung in $ 2245 Million bei ding sungpan in Japan in $ 500 million leitawi ding ahihi cihi.
Amau te in 2013 kumsung in $500 million leitawi ban ah Grant zia zui in $ 200 Million pia ding ahihi cih Khuasung Puahsiam Nopcisak (Myodaw Siibin) Upa Hawm leh gel vaihawm makaihuh Oo Aung Toe in gen khia ahihi cihi.
Aphincil gulhik cilget Design pen maikum 2014 kumin kipan ding ahiziak in sep leh siam (Engineering) te leh Designer te sapna kibawl ding ahihi cih Khuasung Puahsiam Nopcisak Makai hun Oo Win Hylaing Tun in gen khia hi.
Yangon tawh kinai leh kizopna khuata ahi Tanlyan, Kyaukdan, Mawbie, Lye kuo, Thandapyin, leh Twenty khuate akhenkhen in kihel beh ban ah Kiim vialbial (1500) km gelsa in koih ahihi cihi.
Hongtungding 2040 hun ciang in Yangon in Asia gamhuam sungah asiangtho pen leh anopci pen khuapi asuah na ding pansan la ding ahihi cihi.
Hih bang gel hawm septuah dungzui in 90% mipi omna teena hi ding a, 6% nasepna Factory tuamtuam ding in gel a, 4% pen ahoih lo huih niin uih leh adangtuamtuam te ading gelsa ahihi cih gel leh sep ngaihsutna pia Dr Kyaw Latt in lah khiatna nei ahihi.
Ama zangpenpen ding nasepna dung zui in lamdung lamvai akikol thei penpen aa tai zialzial theihna, Car lampi, Meileng lampi, khuapi kim vel lampi leh leisung paina lampi te sepmasak penpen ding ahihi cihi.
Tedimkhuapi leh Zogam mun tuamtuam ah gamdang huhna tawh lampite, meite banghun teh kibawl ding ? Ei leh ei tha tawh bang hun teh sem ding Zomi makai te vai hawm na gel leh sep ding Zomi mipite in ngak gige ahihi. Source: Zomidaily
No comments:
Post a Comment