Thai gamsung ah Myanmar Rohingya mi 150 val kiman cih Thai Police te'n tuni January 14, 2013 Monday ni in pulakkhia uhhi. Thai gamtawlam Malaysia tawh gamgi aom Camp khatpan in amatkhiat uhhi ci a, avek un Thai gampan in ongki patkhiatna gamtek ah lehpuak kikding cihi.
Songkhla Province akicihna Thai gamsung Buangnai Huan (Rubber Plantation) panin pasal 71 leh numei 85 akimankhia hi a, naupangno pawlkhat zong kihel cih 
Thai Local Police Colonel Krisakorn Pleetanyawong in genkhia hi. Nukalsung mahmah inzong Thai gamsung ah Rohingya mi 400 val ki mankhia cihi.
Thai Local Police Colonel Krisakorn Pleetanyawong in genkhia hi. Nukalsung mahmah inzong Thai gamsung ah Rohingya mi 400 val ki mankhia cihi.
Hih akiman Rohingya tengpen kumpi thukhun Immigration Law tungtawn in Illegal Immigrants ahih manun gamsung pan ki hawlkhiading cih Police Colonel Krisakorn Pleetanyawong in AFP tekiang genkhia hi.
Kawlgammi hihna Myanmar Citizens aneilo Muslim Rohingya minam tultampitak Kawlgam Rakhine State panin taikhia uh a, Thailand leh Malaysia lamah gambel in tungkawikawi uh cihi.
Human Rights Watch te'n hihvai azak uhciang in Thai Authorities tekiang ah hih Rohingya minamte pen nagam uhpan nahawlkhiatma un United Nations' Refugee Agency tetawh kimusak hamtang phot un ci'n genkhia uhhi.
Kawlgam Rakhine State sungah Rohingya mite 800,000 valbang omding in kigen a, Bangladesh gampan hongtaikhia uh ahih manin Kawlgam kumpi thunei te'n gammi in ciamtehlo uhhi.
Source: ZomiDaily
No comments:
Post a Comment