Pa Hang Khan Mang (a) Khan Mang, Lucky Photo & Video; Munlai in Dec.20, 2012 Am.9:00 hunin leitung hong nusiat san ta hi. Zomi sungah a minthang vangvang ahih tuan loh hangin video zaih a siam pha mahmah khat leh nam dangdangte a kipan a kilimzat mahmah khat hi a, mi pammaih khat zong ahi hi. Ama tangthu tom leh a nasepnate hih a nuai a bang ahi hi.
Pianna Guasing khua hi a, Munlai pan khangkhia a, omna pawlpi ahih leh Munlai 
AG ah om uh hi. Amah pen mi a tamzawte in Lucky mazaih, video zaih pa, ci-in kithei zaw hi. Kum 55 bek pha pan a, a mel mu leng tuazah pha dingin kilawm nai het lo a, khangmoi khat mah a suak hi. A tan sawm kum panin manlak lam uk a, tuamah bulphuhin tan 10 a om teh a zom suak ahi hi. Kumpi private sangsia zong sem ngei a, tua mah zong zom toto pah hi. Sihvuina ah a siapa uh, Revd Suan Do Lian (Senior Pastor, Munlai AG) in hehnepna leh lei ah tuhna nei hi.
AG ah om uh hi. Amah pen mi a tamzawte in Lucky mazaih, video zaih pa, ci-in kithei zaw hi. Kum 55 bek pha pan a, a mel mu leng tuazah pha dingin kilawm nai het lo a, khangmoi khat mah a suak hi. A tan sawm kum panin manlak lam uk a, tuamah bulphuhin tan 10 a om teh a zom suak ahi hi. Kumpi private sangsia zong sem ngei a, tua mah zong zom toto pah hi. Sihvuina ah a siapa uh, Revd Suan Do Lian (Senior Pastor, Munlai AG) in hehnepna leh lei ah tuhna nei hi.
Amah pen 1957 kumin Guasing khua pan piang a, 1978 a kipan mazaih pan kipanin video zaih tawh maban zong a tutung hong nusiat ma tan a zom to suak hi a, a tapate tawh zong a mapang khawm thei ahi hi. A unau un mipawlnuam leh mi lungduaite ahi uh hi, cih pen a pawlpi leh veng leh pam ten gen ciat uh a, kei tawh zong kiho ngei hi ing. Khampat, Kanaan, Sawbuayesin, Falam leh Munlaite ah mazaih, video zaihin om kawikawi a, 1990-2005 dong Falam ah tua mah semin om ngei a, siam a sak mahmah uh cih kigen ngei hi. Amau lamin ei sangin hong na tam theih pih zaw gige khat uh ana hi ta ve leh. 2010 CCJ, Tedim ah zong limtakin kihel a, US pan hong pai, Revd Thawng Khan Cin, Taithul, Sia CiCin tungah zong pawi vai tawh kisai interview khawng a na bawl ahi hi. Mi pammaih khat a kitan a suak hi.
A nat dan pen hibang ahi hi. Dec.10,2012 ni-in Lumbang khua Jubilee pawipi ah Video zaih dingin a tapa tangval khat tawh pai to uh a, taingen khua a khen khit uh ciangin lampi bawlna, lam hoih lo mun khat pan a khepai leh thakhat in a luvai a, tuk vat hi. Tua panin a lungsim teitang nawn lo pah a, motor tawh Kawlpi kipuak a, zato tuamtuam ah kilak ahi hi. A khuaphawkna in na sem nawn lo pah ahih manin en khong bek a om ahi hi. Ni sawm a lup khit ciangin zani-in hong nusia ahi hi. A pawlpi Munlai AG ah building committee ah thuzeekpi a sep laitak zong ahi hi. Tuni in veeng tuamtuam pan kiphawk san pan a, sigal mi kitam khia mahmah hi. Sia Lian Che, Falam in zong a motor tawh kha ngiat a, video zong a lawmte khat zaihsak hi.
(kei zong tuni thei kha pan ka hih manin thu kizaksakna ziakai a suak hi. Amau lampan pawlpi pan maw, khuapih tuipih pan maw, ahih kei leh veeng le pam khat peuh pan hite pawl a hunlap in ki thuza hi leh kilawm ka sakna tawh keima hih theih khat ahi ci-in, a thei kha nai lo pawlkhat a dingin hibangin i kizasak hi. A tate Malay ah zong om hi. Tapa 3 leh tanu 2 nei uh a, buaih ngah khin zong om in, a neu pen numei tan 6 hi pan hi. A omlaite' ading thungetna tawh panpih ciat ni. Photoshop pan bawl man lo ka hih manin ka zaih kikkik pong nih melmuhsakna in hong khak ing).
No comments:
Post a Comment