December 23 ni in Malaysia gam khuapi Kuala Lumpur ah akizuak ding Kawlgam mi 6 lak ah 2 in thahna thuak in 4 suakta ahihi cih Arakan Time in gelh khia hi.
Akizuak ding Rakhine mi 2, Kawlmi 2 leh akithat 2 ahihi. Amau tengpen Myawadi pan in Lamhil Puaisa Khine Min Nyu in Mahaachai pan in nasep zosak ding in azol na pan in Malaysia ah kizuak te asuak uhhi.
Malaysia tung minam ading nasem kipia khia Ko Myo Ra Khine in " Zan in athu kazak uh ciang in kapai uh aa, panpih na kabawl uhhi. Amaute Myawady Khine Min Nyu in Mahaachai ah nasep zonsak ding in asap ahihi. Amaute October 28 in Thai gamsung atungkhin uh ahihi.
Tua khitciangin December 19 ni in taikhia uh hi a, Lampi ah ni2 sung kaai uh ahihi. Tua mi 6 lak ah Ko Kalaa, Ko Shanlay in thahna thuak uh ahihi. Ko Shan lay pen sinailo deuh hi in tuisung ah kaplum uhhi cihi.
Asuak ta te lakah Maung Bo Taan kum(25), Maung Maung Taan kum (34) Maung Myo Khine Oo kum 19, leh Maung Thei Lyaing kum 23 te ahihi.
Gam kiukna leh nuntak hamsat luatna hang in gamveng India, Thai, Malaysia, Singapore ah nasep zong in kawlgam mite kipai ahihi. Nasep hoih kingah kimlo in nunna bei lawh ki om in akiman gilbeem tung kiom in, pawlkhat te dam lo in Zato tung kiom hi. Numei pawl khat te tangpi van zuak na kipuak kha zong om ahihi.
Hau Thang
No comments:
Post a Comment