Kum 1880 kiim in Irish mi khut lam en siam minthang mah mah khat om hi. A min pen Count Louis Hamon ahi hi.A khut lam-et dan zong tuam dang peuhmah hi.A man khut pek pan en dek lo hi. Laidal lalcin tawh a ki uk vawmah a khutpek uh nen(push) sak masa hi.Tua lai dal a khutlim hong kilang pan in en bek hi.Hih dank hut lam en in gam tuam tuamah zin kawi hi.A diakin milian te mailam hun ding a genkholh te tang tung kim hi.
Kum 1891in Edward, Prince of Wales ii’ khut lam etsak hi.Kumpi tutphah ah a tut hun ding leh a sih hun ding kha leh kum (1910) kician takin genkhol hi. July ni 21, 1894 in Lord Kitchener in Cheiro a khut lam ensak hi.Kum 66 a phak ciangin tuipi a tembaw tuah siatna ah a sih ding thu na hilh hi.Tua khit kum 22 ciang June ni 5, 1916 in a genkholh bangin tang tung hi. Lord Kitchener kum 66 a phak laitak in a tuanna tembaw HMS, Hampshire in Orkney Islands gei tuipi ah bomb phu kha in amah zong si hi.Nicholas II, Russia kumpipa in zong kum 1897 in a khut lim Cheiro kiangah khak hi.Cheiro in, “ Kum 1918 ciang nang leh na innkuanpihte na si ding uh hi” ci-in laikhak hi.A gen mah bangin kum 1897 ciang Nicholas leh a innkuanpihte Russian Revolutionaries ten that takpi uh hi.
Cheiro in Russian siampi tangthu hau mah mah 'The Mad Monk' kici Rasputin’ khut lam zong etsak hi.”Kumpi inn sung pen na sih nading mun hi.Tul hong ki pia dinga temta tawh hong ki dawt ding hi.Thau tawh hong ki kap lai dinga, tua khit ciang Neva lui ah hong kip paai ding hi” ci hi. Rasputin in um dek lo vial hi.Ahizongin kum 1916 ciangin Rasputin pen amah a haza ten Yusupov Palace ah a ann neek ding lakah cyanide na helsim uh hi.Si pah lo ahihmanin Prince Yusupov in Pistol tawh kap hi.Hong tho to in amah a thahsawm pa meklup sawm hi.Tai uh ahihmanin aman zong va delh vial hi kumpi inn tualah na pang uh a, kap beh kik uh hi.Temta tawh dawt uh a, siktawn tawh satbeh lai uh hi.Si dinga a ngaihsut uh ciangin Neva luiah a luang pai uh hi.
Cheiro in ama’ khut lam en in a sih hun ding genkhol hi.A genkholh mah bangin kum 1936 in California ah si takpi hi.
Pau Tun Thang
No comments:
Post a Comment