USA, Texas state ah Tornado pingpei pi (huihpi) in nawkngawp

Texas, Dallas a inn kisiate'

Pa pi khatin a Uino taikhehpih

Texas State, Dallas khuapi sung Tornado pingpei pi in nawk ngawpna hangin, vanleng 41 sang atamzaw ki khawlsakin, vanleng lenkhehna kong 400 val zong kikhawlsak fot hi. Mundang pan vanleng atu suking 40 te zong ki leh lehsak hi. Dallas-Fort Worth huam teng nawk ahih manin, mawtaw, inn tampi kisia ngawp hi. Inn pen 300 val kisiacip hi. Anasiat dan pen inn khum kikhuhna hawngte puansia balkeek bang ziahziah bek ci uh hi. Asi aliam om cih kisoi nailo hi. USA te' ingin, Tuesday ni zan nai 8:00pm zingsang nai 1:00am Wednesday ni dong bang huihpi anung hi. Topa' ongkepbitna hangin, ei Zomi te omna lian nawkkhalo ci thu kiza ahih man Ama minfat hang. Amen.

Source: AFP