Senngam, Yunan Pyi-nee ah Sa khat teng 2 tawh nasem ing mi kaikhawm:

Senngam Yunan Pyi-nee aom Plywood leh khedap bawlna company khat pan palai khatin July 16, 2011 Saturday ni akipan sa 1 ciang Kyats sum teng 2 (200,000ks) tawh nasem zo ing Chin (Zomi) khangno te' kaikhawm hi cih thukiza hi. Palai nasempa Zomi pasal khat hi-in, Sagaing Division, Kawlpi, Khampat leh Tamu khua sungtengah mi limzon mamah hi. Zomi khat hihna tawh um in, khangno 17 te'n zui-a, nek leh dawn zong sik ing cihi cih Khampat khuahuam Kanan khuami khat in soi hi. Company ah nasep kipatma atawmpen sa 3 sung letmat thuuna neihkhit ciang nasep lutpan ingcihna tungtawnin nulehpa pawl khatin lungnuamlo uh hi.
Nidang akipan Senngam ah nasem pai cih kiza ngeilo banah, kumpi falan zong hilo ahih manin lungnop huailo mah hi. Kawlngam nuntakna haksatna hangin Mizongam(India) ah sum thalawh in atamzaw kipai cih ihseihsa tek hi.