Phone bill (zatman sum)te' AGD Baan tawh internet online piak ing dan kipan ta

Yangon Kamayut AGD Bank

Kawlngam ah amasa pen Internet online baan (bank) tawh zatseihnang U Tay Za ii aneih Bann, AGD (Asia Green Development) Bank pan kizang seita hicih falna pulak hi. Tulaitaka AGD baan tawh Phone azangte' Kawlngam kihona zumte' ah a bill sum Internet pan piakseih nangin Yadanapon telepost tawh kizomin nasep kipan ta hi. ATM sumthohna set, Debit Card cihte' Baan nasepdan tawh kizom sempohte' sepsuak seih ingin, kibawlfa ta hi ch AGD baan pan thunei khat in soi hi. 2010 May sunga U Tay Za in AGD Baan, U Zaw Zaw in Irrawaddy Baan, U Chit Khaing in Myanmar Oriental Baan, U Nay Aung in Amayar United Baan te' honseihnang falna pia-in, sumbawl mihau tampite' in sum lompi tawh Baan nasep sem uh hi. Max Myanmar Company nei U Zaw Zaw ii Irrawaddy Baanpi nuai-ah ano mun 12 bang honbeh lai-in, adang Baan te'n ahih leh ano mun 7 tabang honbeh uh hi. Kawlngam sungah 1992 kumpan kipanin Dr. Sein Maung in amasa pen mimal Baan, Kawlngam apiang Sen minam Mr. Surge Pun @ U Thein Wai in Yoma Baan, U Aih Htun in Asia Wealth Baan, U Kyaw Win in May Flower Baan, leh adang Myanmar Universal Baan, Myanmar Oriental Baan te' mimal neihseihnang falna pia ngei hi. 2003 kum sungin  zavom/zakang leh nguihseih/khamseih tuatuam tawh nasema sum sianglo tampi angah May Flower Baan leh Asia Wealth Baan te' tungah American kumpite' mawhsakna hangin, hi baan 2 te' zangsak/hongsak nawnlo-in, adang Baan sak zong hon' ing falna pianawnlo uh hi. Mimal Baan hon ing akhak hangin, Ngalkap kumpite'n Myawaddy Baan, Inwa Baan, Yadanapon Baan leh vuangyite' neih Yangon City puahsiang Baan cihte hong uh hi.