India Kumpi in, Chin State (Zongam) ingin, USD 6 million(USD Awn 6)tawh huh ingci

Zongam (Chin State) lim

Kawlngam veng ahi India Kumpi in Chin State (Zongam) ii khantohnang tawh kisai USD million 6(USD Awn 6)tawh ong huh ing cih thu kiza hi. Mandalay khuapi aom India council zum pan Consult General Dr. Madan Mohan Sethi in, July 27, 2011 Wednesday ni'n Zongam khuapi Hakha  ah ongzinto-a, khuanu/ khuapate' leh Zongam vuangyi(ukpi) kimuhkhopna aneih khitciangun,  Zongam khantohnanga huhna USD 6 mil pen Cidamna lam, Pilna(sang)lam leh minam sunga fattuam seihnang beka zat ingin apia ka hi cih zong pulak hi. Huhna piak aveikhatna ahi manin, mipi sempoh kilungdam mamah hi. Kawlngam sungaom State leh Division 14 te sungpan UNDP te' sazian lakna 2011 June ciangdong azawngpen Pyinee(State) in kitepteh song hi. 2010 Kawlngambup kiteelna ah Zomite' palai ongsem U Zo Zam (CNP) in Indio kumpi tungah Zongambup tangin lungdamna pulakna zong kimu sei hi.