Thai-Kawlngam ngi-a om, Ngaltaai te' omna mun 9 sungpan in, 2006-2010 December ciangdong America, Canada leh Australia te'zongah mi 65000 bang ngam 3 na leng seikhin uh hi cih Thai Burma Border Consortium- TBBC pan pulak uh hi. Hi ngaltaai omna 9 tepan ngam 3 na akipuak lai ing mi 11107 bang omlai hi. Hite sungpan USA- 9538, Australia- 857, Canada-339, Finland-123, Sweden-50, Netherland-80, Norway-50, Japan- 27, Britain- 4, New Zealand- 5, Denmark- 8, leh adang ngamdang te-ah 26 bang pailai unghi cih thukiza hi. Abeisa kum te ah, Thai-Kawlngam ngi -a omte' neek leh dawn, silh leh teen' ing huhna kipia himah leh tun tute kipia zo nawnlo ahih manin, India, Delhi aom omte' nangawn zong amau neek tawm zongin, buai mamah leh hamsa samamah uh hi cih zong Delhi Chin Refugee-KRC thuvaanpi ahi Steven Ral Kap Tluang in Mizzima tungah pulak hi. India-Kawlngam ngi-ah, UNHCR te' ciaptehna ngah nailo, ngaltaai mi 70000 val bang omlai inghi ci uh hi. Abeisa 2010 July saciang, Kawl ngam mi 4000 bangin, UN card kingahsak khin banah, tukum zong angensa te' sungpan alang tang bangin, ngahlai ingcih UNHCR pan thunei khat Roberto Mignone in tusa sungin Mizzima tungah pulakbeh lai hi.
No comments:
Post a Comment