Thai ngam mi 4 in, Feb.27, 2011 zan kim 12:00pm hun pawlin, Thai ngam tuitawlam, Chong Phaw khuapi huam, Rubber huan sunga nasem apasal Ko Aung Ngwe (19) leh azi Ma Wai Wai Lwin (20) te kiangah pai-in, apasal saatngawp, atupngawp khitciang, angei-a tuibem(yikan) sungah khiasukin, azi pen a utbangin buan ngawp uha, thau tawh alu kapin asisa nusia hi cih Ma Wai Wai Lwin ii innlak sangngam khatin, Mizzima tungah thu zasak cih thu om hi. Apasal asi inga, akoih pen silo in, amelseihte' phone tawh hopih seilai ahih manin, hibangin, akiciantak thu akiseisei ahi hi. Rubber huan nasem Kawl ngam mi tampi tak omin, numei te' kibuan, sum kilaksak, kithatlum cih te' om tawntung hi. Hi banga Thai ngam mi 4 te' kikan paiha, 3 kiman in, khat kiman zonailo hi, Thai ngam TV 3na te'n amunah pai-in, video ziahna nei cih thuzong kiza hi. Ami hau pa inzong akisam bangin, sepsak cih thu zong kiza lai hi. Ma Wai Wai Lwin luang tawh kisai pen Mar.2, 2011 ni'n sanlam kipuak ing ci hi. Apasal tawh akiteen zawh sa 6 bek fapan cilai hi.
No comments:
Post a Comment