India, Mizongam bupin, Chapchar Kut bawl uh!

Aizawl Khuapi Laizang Chapchar Kut pawi

Aizawl Khuapi Laizang Chapchar Kut pawi-a, nam lamte'

Mizongam a om i sanggam Mizo (Lushai) te-in kumsial aneihden uh aminam pawi thupi pen khat ahi " Chapchar Kut " pawipi pen March 4,2011 ni-in Mizoram gambuppi ah thupitakin bawl uh hi. Mizongam Khuapi ahi; Aizawl khuapi laizang "Aizawl Lammual kici Assam Rifles Parade Ground"  ah nasiatak kibawl in, Pu Lalthanhawla, Chief Minister of Mizongam in pawi honna le thusoina nei cih kiza hi.

YMA makaihna tawh Mizo nam lam tuatuamte lam ziahziah uha, Mizo nuntak zia le ngeina tuatuam lahnate zong nei uh hi. Pu Lalthanhawla in thusoi khit bekin, Kut pawipi gualzawhna lim lahna tawh Thau lawng 7 kilawn hi. Pu Lalthanhawla in, " Zeisu lungdamna thu hangin, tuni Mizo tate' hihciang dinmun a tung sei i hi " ci-in pulaka, tubanah Kut pawipi hangin minam sungah kilemna, ki-itna, leh lungsim puahsakna ahihnangin, deihsakna thu soina nei hi.

PC Zoram Sangliana, Art & Culture Minister in Charchap Kut pawipi makaihin, pawipi vaihawm lam makaipi Committee Chairman Rev. C. Lalsangliana, Synod Moderator in thupulakna nei hi. Hi pawipi a dawn namdangte sungah Mr.Beth A Payne, US Consult General zong kihel in, thusoina hunnei cih kiza hi. Chapchar Kut pawipi pen Aizawl khuapi banah Mizoram sung khuapi liante ahi; Saiha, Lunghlei, Champhai, Mamit, Serchhip leh YMA makaihna tawh mun tuatuam ah thupitak kibawl kawikawi cih Mizo Daily Vanglai Ni in soi hi.

Source by : Zonet.In & Vanglai Ni