America gam Arizona State Tucson khuapi ah January 9,2010 (Kingin ni) in Congresswoman Mrs.Gabrielle Giffords leh ama naseppihte tawh Super Market kiangah a holim laitak mipi lak pan Mr.Jared Lee Loughner kum- 22. in thau tawh kapin mi 6 sipah in, Giffords ahih leh a lutang kha in Zato kipuak hi.
Thau tawi Loughner in thau tang a thun kik sawm laitak lian in, a kim a tu mi nihin thakhat in man zo citciat uh hi. Mi thatpa pen thubul nam 3 tawh thusitna nei dingin thukhente in gen uh hi. Congresswoman Mrs. Gabrielle Gifford pen thautang a khuak sung sukha ahih manin, lauhuai dinmun ah om ci in Doctor te in gen a, ahi zongin damzo dingin upmawhna nei uh hi.
A si mi 6 te le a liamte zahtak piakna neih dingin US President Obama in tangkona nei in, amah leh innkangpi (White House) nasemte in January 10 (Monday) ni zingsang tungin minutes tomno khat sung zahtakpiakna nei uh hi. Hih sihna le liamna hangin tu nipi sung teng Innkangpi akipan kumpi zumte ah US Dial (Flag) pen dahna lim tawh a lang ciang khai dingin pulakna nei hi.
Source by: Tongsan
No comments:
Post a Comment