Naypyitaw vanleng tual ngeelna tawh kisai Sente'n ong bawl ing!

Naypyitaw International Vanleng tual lim kimuhdan!

Naypyitaw ah Ella International vanleng tual bawlnang tawh kisai in, Sen Company khatin USD 100 mil tawh sem ingin thukimna nei khin uh hi.

2010 kum November sa a, Cambodia khuapi Phnom Penh ah, Thein Sein avakah laitaka, thukimna om khitciangin, December sa a, CCC company te in, vanleng tual behlapnangin, sep tavuan laknang leh thukimna letmat thuuna leh vanleng tual limlahna pen Jan 3, 2011 Hong Kong aom South China Morning Post tadensa sungah kisuak sak hi. Hi tawh kisai in, Asia World Company ten zong USD 250 mil tawh huhbehlai hi cih zong Kawlngam sung sumbawl te' khat in soi hi.

Kawl ngam sung aleng mipua vanleng te' in azat paih seih inga, ngeelna tawh 2010 kumbei kuanin, tawlngakna innlianpi te tawh zong sakhat thu a, mansiang inga, 2011 kumbul lamin, zat ing ngaihsutna om hi napi in, Sen te' in Kawlngam ah sum leh paai, Company tawh nasepnate' ah lunghimawhna tampi nei hi cih zong kifo laak hi.

2010 Kum Jan pan May sa dong Sen te' in, Kawl ngam sungah sum tha tawh nasepna zah USD 8.2 bil ( 1 bil= 1000 mil) ciang bang hikhina, tusung pan USD 5 bil pen khuafelep meibawlna a kizang ahi hi.

Sen te'n Kawl ngam ah hibanga Setzung innpi leh hunsau nasepna lianpi pi te' ongneihna hangin, Sen ngam pan nasem mi 2000 bang sap khat in sam uh ahih manin, Kawlngam mipi te' nasep neilo leh ngeina te' tampi tak ki awlmawh nawnlohna ongpiang a, lungkimlohna nasia mamah hi.

2010 Kum September sa sunga Than Shwe Sen ngam apai tungtangin, sum leitawi, Sen sum in Yuan 30 bil (USD 4.2 bil) ameet omlo a, zat ingin, thukimna letmat thuuna zong nei lai uh hi.