Na pianna' khua min nathei maw!?? Na pianana' gam zong thei tel takpi mah maw!??? Na minam bang cih nathei mah hiam???
Thursday, April 10, 2014
Tulaitak aminthang mahmah ahi, Australia Visa Form Fill Up nadinga akisam kiginkholh dingteng:
Tulaitak Malaysia gamsung ZAM zumah Australia Visa alunglut Zomi honkhat in nisim in Form Fillup dingin hongpaiden uh a, aki buaisan mahmah laitak ahihi. Form Fillup dingin hongpai atawmzaw in dalkhat dalnih gelhziauding sakha uh a, ahi zongin ih Form Fillup ding ahi Form 842 (Application for an Offshore Humanitarian Visa) pen laimai 34 bang pha in, baihpaklo hi. Innkuan tamte bangpen nikhat in nihlehthum zawhding hamsa mahmah hi.
Tua ahih manin Form hong Fillup saktheiding meltheih naneih uhleh hong huhding tetawh na Fillup theihziauding un Form 842 (Application for an Offshore Humanitarian Visa) leh Form 681 (Refugee and Special Humanitarian Proposal) pen anuai ah Download theihziauding in kongkoih uhhi. Form Fillup ding Appointment pen maikalsungzong adimkhinta hi a, ahi zongin ZAM Palai te Fillup pihding alunggulh veve na omuhleh Appointment hongla masathei leuhcin nasepzia nopzawding a, nozong mawkngakngak cih omlo in lemzawding hi.
Pawlkhat bangmah ki gingkhollopi in hong bingpai ciangin ziakailohding namun ah hun mawkbeilua ahih manin, ZAM ah Form Fillup dingin hongpaiding peuhmah in hih anuai ateng Ready sa in hongki zamgingthei leuhcin kinak lungdam mahmah dinghi. Theihding: navai khempeuh pen UN tangthu sungah nagen bangbang hipah hi.
Form Fillup ding akisam teng:
UN tangthu (Manglai tawh gelhsa in nong tawitheihleh ki lungdam mahmah dinghi)
Nu leh Pa min, Suahkum leh omna
Sanggam ulenau te, Suahkum leh omna
Abeisa kum 10 sung omna Address (2004 kum pan abanban in gualsukding)
Abeisa kum 15 sung nasepna leh na Boss min (1999 kum pan abanban in gualsukding)
Malaysia tulaitak na omna Address akician sitset
Australia pan hongsamdingpa ii
Min, Suahkum, Address leh ama ii Status (Citizen maw, PR maw)
Australia Passport Size Photo (mikhat pong 8 kisam a, anungah namin leh UN Number kiciantak in gelhding)
UN Card ~ copy 1
Malaysia gamsung naungeksuak naneihleh Birth Certificate ~ copy 1
Sangkahna
Tanlang pan Tan 4 bangkum in kah?
Tan 5 pan Tan 8 bangkum in kah?
Tan 9 pan atungsiah bangkum in kah?
Naupang neite'nzong na tate uh a sangkahkum hong theician sitset leuhcin lunggulh mahmah hangei.
Subscribe to:
Post Comments (Atom)
No comments:
Post a Comment