Manipur State, Imphal (Phaipi)ah St. Peter sang Siapi pa zi leh tapa khat ki kapliamsak

India ngam Manipur State, Phaipi (Imphal) ah October 7, 2012 (Sunday)ni-in ZRA ngalkap(Cadre) tangval 3 in St. Peter sang Siapipa  ii zi leh  atapa khat thau tawh kapliamsak cih The Sangai Express News sungah mikang lai tawh kisuaksakhi.

Tu bangin akapna hang bulpi akikat ciangin St. Peter sang Siapi Song Lian Lal pen Manipur State sung makai kiteelna (Election)ah akihel ing deihlo uha, Siapipa kihel veve ci hi. Akihel vevena hangin ateenna St. Peter sang huangsungah ZRA ngalkap te lutin, a zi leh atapa khat kapliamsak uh ci hi.

Akap khitbekun taimang paih uha, ahizong aveng apaamte in delh huan ngeingai uh ahih manin, khat pa manzo uh ci hi. Hibang thu apian laitakin St. Peter sang Siapipa pen mundangah apai laitak ci hi. Hibanga ZRA ngalkapte ngamtatna tawh kisai Yong Paite Association in mawhsakna lai thupitak in sahkheh uh cih thu kiza hi.

Source: The Sangai Express