Tedim ah CNF Zum kihong tatak ta eileh nguai!

Tedim CNF zum

CNF Zum honna

Mipite' lungfona

Abeisa hun khat lai akipan Tedim ah CNF te in kizopna zum (Liaison Office) a honsawmna uh tawh kisai-in, Pu Vum Nang le Pu Nung Sian Tuangte makaihna tawh Tedim khuapi le a kim le paam pan mipite' deihlohna lai President Thein Sein zumpi (Nypidaw) ah kipuak ngei hi. Tu laikhiatna tawh kisai-in Kawlngam kumpite lam pan donlehna le zaksakna aimah kiza lo kawm kalah tuni September 25,2012 ni-in, CNF te in Tedim khuapi ah kizopna zum (Liaison Office) honna nei tatak ta uh cih kiza hi.

Tu CNF zumhon hun sungah Rev. Zen Thawng (Former General Secretary of TBC) in hun-ap thungetna neihsakin, Col. Zaw Min Oo, U Soe Tin, Pa Go Khen Nang te in zum honna nei uh ci hi. Kumpi nasem te, Party tuatuam pan makaite le khuanu khuapa mipi 150 kim kihel sei ci hi. Zum hon khit ciangin, makaiteng Tedim Sanginn sungah kimukhopna nei uha, Chin State Chief Minister tangin Col. Zaw Min Oo in thusoina nei ci hi. CNF makaite lam panin Pu Khua Uk Lian (General Secretay-3), CNF Kilemna lamah Thuzeekpi Pu Tlawn Ceu, CNP pan Pu Cin Khaw Kam, Falam pan Pu Thang Kam leh Thantlang pan Pu Ral Nin te in thusoina tomkim nei tek uh cihi.

Hi CNF Tedim Liaison Office zumah nasem ingte pen; Pu Go Khen Nang, Pu Lal Hau Lian, Pu Lang Za Mang, Pu Neng Thawn Kham, Pu Thang Khen Kap, U Mang Sian Tuan leh Daw Ciin Khan Dim (Computer)te in mapang ing cih kiza hi. Tedim CNF Liaison Office honni lian September 25,2012 ni mahin Pu Nung Sian Tuang makaihna tawh Tedim khua sungah mi 150 kimin CNFte deihlohna tawh Lungfona nei uh hi. Tu Lungphona sungah Kawlpi, Tonzang leh mun tuatuam pan  ZOGAM it khangno pawlkhat zong kihel sei ci thu kiza hi.

Source:ttt