India, Assam ngam sungah Muslimte' leh ngamneite buaina piang

Boro minam makai mi 4  asite'

Assam State, India ngalkapte'

Nung abeisa ni tawm khat sungin, minam buaina khat oma, tua hangin, mi 18 in sihlawh hi. India, Assam ngam sungaom Bangali (muslim) minamte' leh Boro minamte' kikal inn mun, lo ngam kilaksakna hanga, tual ngal apiang hizaw hi. Tulaitak mi 10 tangbang abo mang vilvel hi. Hi thu ongpian' takciang Assam ngam sunga Palik lianbel ahi J.N.Choudhury in  thuzakna sungah soi hi. Abuaina mun pen Assam ngam nitumna lam, Kokrajhar district sung hi-in, akizom District khat zong pehlawh ci thu kiza hi. Tem tawh kisatna hanga asi luangte' ngam sungah pawlkhat, mawtaw lam ngei-ah, ngun ngei-ah pawlkhat cih bangin, Palik te'n azon ngeingai laitak uh ci hi. Inn leh Lo neilo ngaltaai mi 30,000( tul 30) te' ingin, buk (Camp) mun 6  ah bawlsak u hi. India kumpi'n Assam ngam sung, kuamah innpua pailoh nang thupia in, India ngalkapte' puak ci hi. India ngam Assam State sungah 1990 kumin zong Boro minam leh Bangali minamte' amumun ah buaina omngei khin hi. 1971 kum Bangladesh ngam suahtak ngahma inzong inn mun, longam kilaksakna hangmah tawh buaina nasiatak Boro leh Bangali kikal omngei khin hi. Thu buai kipatna khatah, Muslim sangnaupang makai 2 kisuam khitciang, Muslim te'n Boro suakta kipawlna makai mi 4 te' kisuamna panin buaina ongkipan ci  thu kiza hi.