Oxford University pan Daw Suu Kyi Doctorate Degree kipia

Oxford pan Doctorate Degree kipia

NLD makaipi Daw Aung San Suu Kyi in Europe ngam 5 sung khualzinna maban seizela, England ngam Oxford University panin Doctorate degree pahtawi piakna June 20, 2012 in thupitak nei uh hi. Hi St.Hungh's College (Oxford) pen abeisa 1964-1967 sung Philosophy, Politics le Economics subject te' asinna sang khat hi. Tutunga angah Doctorate pen abeisa 1993 kum lai-a, Oxford University pan Civil Law subject tawh akipia khinsa hi-in, tu hunin apiak ing lemlohna tuatuam hangtawh tutungin akipia seipan suak hi. Hi pahtawi piakna hunah nidanga asangkahpih alawm mipil, misiam tampi inzong uapsei uh hi. Tu banah Degree lakna hun kipatma-in, leitungbup Buddish biakna lamah fungzi minthang mamah ahi Tibet minam Dr. Dalai Lama zong tawh kimu-in holimna neisei uh hi. Dr. Dalai Lama pen amah nu a inn sungah akikhumcip laitakin suahtaknang apulak tawntung khat ahi hi. Tutung a kimuh uh pen a masa pepen kimuhna ahi hi.

Source: VOA, BBC