Manipur ngam, Lamka khuapi ah Naupang khat Tuikhuk sungah kia

naupang tuikhuk sungakia

Manipur State, Hiangtam Lamka khuapi, Mission Veng ateng, Pa V.Tual Khan Song tanu Lia Man Hoih Cing (Kum1 le sa 9) afa pan naupang khat June 16,2012 ni (1:30 PM) hun pawlin, a inn ngei-a om pii (feet) 30 asuk tuikhuk (well) sungah kia-in, tui tawi inga pai inn vengte khatin mukha ahih manin, tuikhuk sung pan kilakheh sei cih thu kiza hi. Tuikhuk sung pan akilakkheh zawh asawtlo mahin, Zato kipuak suak paih sei uh hi. Naupangno nu tuikhuk sungah a kiat laitakin, a innkuanpihte innsung lamah aom laitak cihi. Tuikhuk sungah tui tam mamah napi-in, naupangno pen koi bangin, tui tungah kilam tosei hi-ing cih ngaihsut haksa kicihi. Tui tawikhatin amuhna-ah naupangno pen tuikhuk sungah awng zakzak ci-in, soi hi. Hih thu akiseih bekin, a pianna pa in delh paiha, tuikhuk sung pan lakhehsei paih bilbel cihi. A inn sungah hun aitan hiam abawl khit ciangin, Dist. Hospital kipuak paiha, huihdik (Oxygen) zong bulh kulnawn lo bek hilo-in, hoih lam manawh hathat paih ci thukiza hi.

ref: tongsan