Ngaltaaite' Kawlngam puakleh vai-ing, Thai kumpite'n thu kaikhawm

Thai ngam Maesok sungaom, MaeLah Camp Karente' innkuan

Ngaltaaite' Kawlngam ah puak leh ingtawh kisai-in, Thai kumpite in, Ngaltaai te' mailam ing, ngaihsutsakna cihdan  thute' kaihkhawmna abeisa March, 2012 sung neikhin uha, Ngaltaaite' sungpan Kawlngam akalnuam, ngam 3na apeemnuam leh Thai ngam a omsuak nuam aizah tatak fahiam cih Thai thuneite'n aseihnopna hizaw cin Ko Saw Htun Htun in soi hi. Hi tawhkizui-in, tutadiha, Kawlngam ah kalsuakleh ingcih hiseilo hi, ahun kum 5 bang lakkul lai hicihzong soibeh hi. Hi thu pen Thai kumpi leh Kawl kumpite' kihona khat aneih hanguh hi-ing cih upmawhna om hi. Thai ngam tuilu lama, Kareni party (KNPP) tawh thukikupna ah Kawlngam kilemna palai Meileng vaisai U Aung Minn in kumpi lampan ahih leh, ngaltaaite' sempoh tukum 2012 nguahtui luanma, June sa kipatpawlin akhua atui tekah kipuakleh nuam hi cih zong soi hi. 

Hi thu tawh kisai-in, tubang daidai in, hiseinailo ingcih tawh Thai-Kawlngam ngi Ngaltaai vaisai ulian khat in donleh hi. UAE ngamte' inzong Maesok khua aom Maelah Zato ah Ngaltaai damlo kivelte' huhna apiakden pen asawtlo in, kikhawlta ingcih zong pulakna nei uh hi.