Hilary Clinton, Kawlngam Khuapisak Naypyidaw ah, Thein Sein te' nupa tawh azawkkhopna

Naypyidaw ah Hilary Clinton, Thein Sein leh azi Khin Khin Win te'

Nov. 30, 2011 Wednesday nitak lam nai 3:00pm pawlin, Hilary Clinton US vanleng tawh Naypyidaw ah tunga, Dec. 1, 2011 Thursday ni bupsung, Naypyidaw ah, Kumpi zum sungah Kawl kumpi U Thein Sein te nupa tawh kiholimna nei hi. Tukhitciang, Lotdaw aniamzaw makaipi Thura Shwe Mann tawh kiholimna nei-a, kihona sungah Thura Shwe Mann in, ngamvai tawh thongkiate' ka suaktasak unghi cih kamciam apiakkhit ciangin, North Korea leh Kawlngam Nuclear ngalvan lam kizopna tawh kisai aimah panpihna kisanglo hi ci-in, tadensa (thu soicianna) hilhcianna nialbit hi. Abeisa kuma, kapai lai-a, letmatthuuna ka maan (photo) sungaom ngalkap ulian pawlkhat zong tu-in, vuangyi mah semsuak uh hi, lunghihmawh nang khatzong omlo hi ci'n nialsal hi.  Dec. 1, 2011 ni mahin, Thailand, Chiangmai ah Kawlngam mi Democracy deih pawl 16 sungpan mi 70 val bangin, sandahpiahna nei uh hi. Dec. 1, 2011 nitak lam nai 3:30pm pawlin, Naypyidaw pan Yangon zuanta-a, nai 4:00pm zawhdeuh ciang, Yangon Shwedagon Pagoda  sungah lutsuak hi. Dec. 2, 2011 Friday ni-in, Daw Aung San Suu Kyi leh mi namtuatuam makaite leh ngamvai makaite tawh kimuhna nei lai ung hi.