Malaysia-Kawlngam, ngam 2 aom akiman thongkia mite' kisek ing vai tawh kisai, khawlfot ingin, Kawlngam inga, ASEAN Parliment lotdaw kipawlna AIPMC te'n Oct 20, 2011(Thursday) ni'n pulak banah, Kawlngam sungah mipi thuneihnate' palsatna hangin, ngam veng ahi, Thailand leh Malaysia ngamte-ah, ngaltaai, ngambeel in kitaai ngeingai-in, tusung pan Malaysia ngamah Chin leh Karen mi kitam bel hi. Hibang thu aomtak ciangin, ngaltaai Kad angahsa leh angah nailo te' zong thong sungah pawlkhat om ahih manin, kilung himawhtek hi. Tu'n Chin mite sinsen, thong sungah mi 200 valbang omin, tute tawh kisai CRC Coordinator Mr. Henry inzong Mizzima te kiangah soi hi. Tubek hilo in, Malaysia NGO ahi Suaram kipawlna te'n zong Kawlngam kipuakleh hileh anuntakna uh lauhuai ahilam pulak behlai uh hi. Oct. 18, 2011(Tuesday) ni-a, Malaysia Domestic Minister Datuk Seri Hishammuddin Hussein soina ah, Ngaltaai Kad ngahsa leh angaklai (apply)te' kihello hicih kiteltak pulakna nei khin hi. Malaysia ngamsungah ngamdang mite lakah Kawlngam mi pen teng 5 kiim bangfa ingin um ahih manin, atam pen 2 na hi cih uh hi.Tusungpan Chin leh Karen mi mah tampen hi.
No comments:
Post a Comment