Malaysia ah Zomi pasal khat Islam biakna suak:

Daniel & Amirah': Islam asuakna laidal leh IDs

Malaysia-ah UN ngakin aom David Sing Lian Pum pen Islam biakna suak hicih zani June 09, 2011 ni-in theSun news in soi kheh hi. Islam biakna asuak hunpen, ningkum April sapekin anasuakkhin ahihi. Islam asuahkhit ciangin aminzong Mohd Daniel Abdullah ci'n Muslim min kipia hi. Islam  thukhun (Law)ah Muslim numeikhat te'npihseih nangin Islam biakna suakfotkul ahih manin, David Sing Lian Pum zong Islam biakna asuak ahihi ci'n theSun news in pulak behlai hi.

Daniel Sing Lian Pum pen Islam biakna asuakzawh sa 4 khitciangin anasepna Restaurant (An sai) ah Muslim nungak khat ahi Amirah Ismail tawh kimu in kingai uhhi. Daniel Sing Lian Pum pen kum 28 fakhin in, alawmnu Amirah Ismail pen kum 25 fapan hi. Zani in "Jawi" ci'n akisei ahi Federal Territory Islamic Affairs Department ah kitengingin ava pai uhleh Daniel Sing Lian Pum pen Refugee khat ahihmanin kiteng seilo ing, Marriage Certificate ngahsei lo ing ci-in nanial uhhi. "Jawi" te soina ah Refugee mikhatin Malaysia ngammi te tenpih seilo ing cihi.

1951 Refugee Convention ah Malaysia in letmat thuulo ahih manin, Refugeete' tawh kisai Legislative (ngeina bawlna) ahih oleh Administrative lam tawh kisai vaihawmsak seihnang omlo cihi. Tu ahih manin Malaysiate' Immigration Act 1959 tungtawn in Refugee tengpen Illegal Immigrants in ong tepteh khawm ahihi.

Daniel Sing Lian Pum leh Amirah Ismail te' vaipen Refugeete' avei ahi NGOs kipawlna leh Government Agencieste' tawh koi bangin sepseih ingcih kikum ingcihi. Malaysia aom Human Rights Group khat ahi Suaram (Suara Rakyat Malaysia) pan Refugee Coordinator Andika Wahab inzong Refugeete' leh Localte' kitenseih nangin thukhun kiciankhat ngaihsut ing akisaplam soikheh hi. Ahih hangin ngam thumna ah apai-ing ciangin nawngkai sei-ing cihzong soibeh lai hi. Malaysia ah Refugeete'pen Malaysian Law (upadi) in hubitlo, protect (kembit) lo ahih manin, Immigration Act thukhun zui-in ahuhun in kimat kihen tuaksei uhhi.

Zomi sungpan Buddhist biakna asuak tampi ihza ngeikhina, ahih hangin Islam biakna asuak kizangei nailo hi. Daniel Sing Lian Pum leh Amirah Ismail te' thu namuhna, na ngaihsutna nong hawmsawn sei lai ing maw?