Kawlngam mi 2 Mizongam ah Rupee teng 40 val man tawh kiman uh

Mizongam sunga zatui kiman pen

Mizongam sungpan India ngam bawlmah zatang 'Pseudo ephedrine' kici (tang 399500) June 11, 2011 nitak nai 5:45pm pawlin Aizawl khuapi Bawngkawn Lunglei lamziikpi Zokhawthar Transport Association(ZTA)Sumo Counter pan Mizo SP CID(Crime) khutnuai aom Special Narcotic pawlte'n, Kawlpi Tahan vengaom Lalrotlinga leh Lalnun tluanga te' azintunna uh Aizawl Chanmari pan man uh hi. Hi zatui pen bukkhuh, naptui damna akizang hinapi'n khamseih, nguihseiha azang omna hangin, kiman ahi hi. India kumpi in, mipi cidam nanga zang hita mahleh, ngukzuak akizang ahih man hi cih Siavuan khat in soi hi. June 11, 2011 ni mahin, Aizawl khua sungah Excie leh Narcotics Anti-Narcotic Squad te'n Zapianga ii tapa Lalnghinglova (29), Tamu myonee, Zohmun khuami pa kiangpan zakang gram 42 val (rupee teng 2 man) tawh man leleu hi.