May sa kal masa sungin, Mizongam tawna Kawlngam ong lutsim, Mivom14 te' Kawlngam sungah Zomi pasal khat leh Palik khat pa' te puaisa(agent) sepna tawh Ciau pan Motocycle carry zangin, Tedim khua sung onglut sim uh hi. Khua sungah zong ngiak ngamlo in, ngam sungbekah zan taam uh hi. Mivom 14 te' pen Kawlpi lam tawn ingin, Malaysia pai asawm uh hi-a, Puaisa Palik pa kiman paiha, Zomi pasal pa taisuak kici hi. Mi khat ciang Ks. 10,000,000 (teng zakhat) ta la uha, May 6, 2011 ni'n Tedim khua ngei, Sezaang khua lu-ah mi 3 kiman, Kaptel khua pan mi 1 kiman, May 9, 2011 ni'n Suangpi khuataw ah mi 3 kiman leleu; May 10, 2011 ni zinglamin ngam sungah adang mi 7 te' zong kiman khin uha, Tedim Palik leen sungah keemin thusit uh cih thukiza hi. Apuaisa Zomi pa amat khit mateng uh mivom 14 te' kisah kheh seilo inghi ci hi. Hi mivom 14 te' pen India-Kawlngam-Bangladesh ateeng Muslim Kala(mivom)te ahih manin, Rohingja minam te hi ing cih Tedim khuami khat in soi hi.
No comments:
Post a Comment