Munlai EBC pawlpi kem Rev. Zam Do Thang @ Sya Thangpi (Professor of Rhema Bible College @ RTC, Myothit, Kalaymyo) ii a it mamah azi Syanu Dim Khawm Niang (38) in, April 24, 2011 zingsang nai 2:30am huni, Wesley Zato pan vantung ih Pa kiangah ong kalsan tahi. Syanu luang hawm pen April 25, 2011 sun nai 3:00pm in, nuamtak san mual ah kituh khin hi. Syanu pen kei ingin, ka nufalnu (lawmnu unu) hi-in, Sya Thangpi pen ka tupa zong ahih man, ka tunu khat in ong nusia mah suak hi. Ko nupa pen Malaysia: Kuala Lumpur, Subang Jaya, USJ 6/1, GoodYear Court-1 ah om kahih manun, melseih u leh nau akuama poh te' leh pawlpi mi (MSCCF) te' zong kihawh kikawmna ong ol tuanlo hi. Ahizong, Malaysia Siyin Chin Christian Fellowship (MSCCF) pawlpite' Sya Philip Khai te' nupa leh upa lam pan mi 4 kingawm vekpi mi 6 bang, April 27, 2011 Wednesday ni nai 3:00 - 4:00pm dong ka omna inn vuah, hehnep thapiakna ongneihpih ahih manin, lungdamna kong pulak hi. Ka omna uh pen KL pan nai 2 sungbang Bus tawh kipai lai ahih man, hibanga tha leh ngal, sum leh paai tawh hehnepna ongpia te akuama poh tungah Topa' Pasian in azah tampi'n thupha ongpia tahen! cih ka lungngulhna uh hi. Akhual atual pana ongvei leh ong lainat sempoh tungah ka lung uh dam mamah hi cih ong soi fa leh nuam ingh. Topa'n thupha ongpia tahen!!
Khazih sungah,
David Mungno & Lam Cing
No comments:
Post a Comment