REV. ZAM KING MANG (ZAUS MAKAPI) THAILAND MAELA -CAMP HAWH

Maela-Camp, Thailand

Rev. Zam King Mang,(Chairman of ZAUS & International Tongsan Consultant, Portland, USA) le a lawmte mikang 2 tawh nung kalsawn sungin US pan Kawlngam ah Zomite' omna munpi ahi Kawlpi aa, biakna thu le minam vai tuatuam holimna thupitak nei sei banah, Kawlpi a om ZOFA le Tongsan Media Group tanute zong tawh holimna hun nuamtak zangh sei cih kiza hi.

Tubanah Bangkok pan ZCF thuvaanpi Sia Langhno makaihna tawh March 17,2011 ni-in,Thailand ngamgi a om ngambel Zomite omna ahi Maela-Camp ah vahawh sei in, Zomi Christian Fellowship Church, Meala-Camp ah mipi 100 valte tawh Pasian thusoina le thapiakna nei uh cih kiza hi. Tubek hilo-in, Meala-Camp ah Zomi Association of Thailand (ZAT) zong kipankheh paihin, Pu Paul Cin Lam Pau in ZAT lutangpi sem cih kiza hi. Tulai pan ngaltaite omna mundang khat ahi Umpheim-Camp ah  ZAT makaite tawh hawh suakin thapiakna leh mailam kalsuandan ingte holimna neihpih cih kiza hi.

ZCF Biakinn Maela Camp acihna mun hi

Source from: Tongsan