 |
| Japan Nuclear Reactor No. 4 apuaksam leh? |
Tunungkal March 11, 2011 Friday ni Japan a zinlinna hangin mihing tampi sikhin in, a tulsawm asimin tuni dong kimu zo loin, inn leh lo, nei leh lam tampi suplawh uhhi. A lauhuai mamah ah Japan nuclear reactor fualpi nih puaksam khin banah No. 4 na zong puaksam leleu ahih manin electric meite zong pong man pai nawn lo hi. Hih nuclear reactor kitapna hangin khuasung a vakpoh mahin muktuam, lukhu , khuttuam, mitlimlang le kawllukhute tawh vakkhek ingin thuneite in soi uh hi. Tu banah nuclear ngu hangin natna ngah khak ing launa tawh mi tampi apumpi kilimsit sak mamah uh hi.
Pu Daisum in asoina ah, " Japan ngam ka tun zawh mei veikhat zong amit ngeilo pen , tutung a kipan meimit in Kawlgam electric mei bangin (akikhel) in kihawm ta " ci in soi hi. Japan electric mei pen nuclear power tawh kibawl ahih manin nuclear reactor apuaksapna hangin mei sempoh thanem/ pai nawn lo cih ahi hi. Tu banah Meilengte pen Electric power bebek tawh kitaisak ahih manin, Electric apai loh ciangin Meilengte zong apai hun bangin pai nawn loin, ahun kiciangtan tahi. Nasepna akhualate inn pan meileng tawh nasem kikuan ahih manin, nasem tampi tak kikuan sei nawnlo ci-in Pu Daisum in soihi. Toyota leh Honda, etc.., mawtaw industry te pen 24 hours kisem hi in, mei pailohna hangin aimah ki sem seilo fot ci hi.
Zinling pen kizawzom lai-in, za nitak 10:31pm hunin Japan ngambuppi ah nasia takin zinling leleu hi. Warming te akimuh ciangin kipatau in, lung muanglo kha muang lo sa in ki om densong tahi cih Pu Daisum tung mah pan kiza hi. Mite in Zinling lai ingin, patau tekuh ahih manin, vanzuakna (bazaar) pan antang sempoh leh neek seih sempoh lei mang khinin, tu'n antang (rice) lei ing nangawn omvet nawnlo hi. Zomite ka vekun lungkham in ki om ahih manin thungetna ah ongfawk un ci-in Tongsan Media ah Pu Daiisum in pulak hi.
Hih buaina hangin Japan ngamah ngammi asuak khinsa ahi Australia, Piantit mite a ngam uh akalleh seihnangin akumpite in sapna/ falna pia uh hi. Tumah bangin Japan aom Kawlngam Embassy in zong Kawlngam akal nuamte falna piak ingin Myanmar Embassy(Tokyo) in soi hi. Kawlngam mi atamzawte pen Japan ngam om seihna Visa a behlaptawto vive ahih manin, Kawlgam Embassy pan falna angah khitciang, Japan Immigration zumah minsazian pia ing ci hi.
Nuclear lauhuaina hangin Tokyo khuapi ah omna a lauhuai ing leh leitaw lam munkhatah lalsak (kituahsak)ingin Japan kumpite in vaihawm sawm cih thu Japan-Burma zumah nasem Kawlgam mi Dr. Min Nyo in soihi. Zinlin pen athahat leilo in aliiling den ahih manin, Japan azinling cih pen akhawlnai lo mah ahihi ci-in, Nu Haukhek (Tokyo) in soihi.
Source from: Tongsan
Post by: Slmungno
 |
| Sumbuk ah aimah kizuak nawnlo! |
No comments:
Post a Comment