 |
| 2010 kumsung Denmark Mission te'n Malaysia aom Hakha leh Falam te' tawh kimuhna! |
 |
| Denmark ngam khuapi 5na Chin/Zomi te' 75 bang aomna mun! |
Malaysia UN khutnuai a om Zomi ngambel tampi a omna sungah i sangngam Hakha, Falam lamte honkhat Denmark kumpi( Mission) in mai April 2011 sungin sam ta ing cih kiza hi. Hi Denmark Commission in tukum avei khat lakna ing hi-a, mi 150 laksawm masa uh ci hi. Denmark Commission te' in tua asap ing mite pen Denmark ah melseih a neisate hi-in, a melseihte' tungah zaksakna laipia khin banah a omnang Inn zong zonsak paih ingin UNHCR ah zasak khin uh cih kiza hi.
Denmark ngamah tun seihnangin " Resettlement Process " tawh kisai-in, April sa sung a Mission lutte pen July-August sungah Denmark gam tung thei hamtang ingin soi uh hi. Tu ciangciang Denmark ngamah Chin/Zomi om sa vekpi 1000 kimbang aomna sungah atamzaw khuano vive hi-in, a lom omna mun pen Denmark ngamah khuapi a 5 na ahi Esbjerg khuapi hi-in, Zomi/ Chin kigawm 75 kimbang omta cih kiza hi.
Tu banah Esbjerg khua kiang mun pawl khatah mi 15-20 kim om uha, Esbjerg khuapi pen nasepna munpi khat zonghi-in Esbjerg District sungah mi 115,000 teeng uh ci hi. Esbjerg khuapi ah Zato le Market(Bazaar) lianpipi zong omin nuntakzon'na nuam mamah ci hi. Denmark ngamah Chin/Zomite' resettlement ngahsate in Malaysia UN nuai a om sangngam melseihte sam nuam mamah uh a, amau omna mun Address te pia nuam mamah uh cih zong kiza hi. Hih thuthang sungah ei Zomi kampaute i kihel kha hiam cih zakna om nai lo a, kisei nuam mamah cih kiza hi.
Source by: Tongsan
No comments:
Post a Comment