 |
| New Zealand ziinlingna akisia! |
New Zealand ngam Christchurch khuapi ah tuni Feb.22, 2011 nasiatak in zinling a, mi 65 si cih kizasawn hi. A zinlin khauhna pen 6.3 Magnitude hi-in, New Zealand ngamah tuma kum 80 sung anasia pepen hi-in, tun zong mitampi inncimte nuaiah omlai-ing ci uhhi.
New Zealand Prime Minister John Key in "tuciaciang asi akiseipen mi 65 hi a, tuasangin tamzaw kha-ing hi. Ka it mamah Christchurch khua aom mite ingin lungkhamna khimbang zinghi" ci-in TVNZ ah soikheh hi.
Hih Christchurch khuasunga biakinn minthang ahi Cathedral pizong cimzan a, dawlluk (6-storey) afa Canterbury TV Building zong vuikhu bebektawh kidim hi. Tute sungahzong mi 30 val awkcip hi ci-in aseician khatin soihi. Christchurch Mayor Bob Parker in ni 5 sung State of Emergency ci-in mipitung soikheh hi. New Zealand a om Zomite Topa Pasian in na ompih henla, cimawh genseihna pan nahonkhia tahen!
Source by - Zomi Daily
No comments:
Post a Comment