Leitunga akum tampen 115 afa nupi Eunice Sanborn si ta!

Texas, Jacksonville ateng kum 115 afa pi nu:

Leitungah akum tampen akiciamteh pi Eunice Sanborn kum (115) in Monday Jan 31, 2011 zingsang nai 6:00am (12:00 GMT) si ta hi. Hi nu pen America te' Texas State ateng hi-in, US ngam sunga khang teptehna nausuak laibu sungah 1896 August 26 ni apiang kici hi. Lake Charles, Louisiana ah suak in, a pasal masa (Joseph Orchin) asih khit ciangin, Texas ah peng uh hi. Hi nu pen nasep abel mamah khat ahih banah minam sungah akipia zo mamah khat hi. First Baptist Church of Jacksonville pawlpi sungah thahat mamah khat ahih bek hilo in, Choir lasakna ah zong kum tampi akihel den khat hi. A pasal Luther Cooper tawh 1924 kum in kiteeng uha, 1963 kum ciang apasal in sih san hi. A pasal Cooper pen Georgia, Monroe aom Walton Regional Medical Centre Nursing inn ah ateeng hi. Kum 114 cin Birthday abawl hunin,  ta 4 nei, tu 11 nei, tu sawn 15 nei, tu sawnsawn 1 nei-in, avek kingawm 31 fa hi.