Zongam ah Zomite' 90% valbang Kumpi aana tawh bawlsiatna tuak!

Zongam Tedim lampi ciim aana tawh abawlsakna

Zongam ah Zomite' 92% tangbangin, Ngalkap kumpi-in, zawhsawhna tawh nasemsak, numeite' a utbangin bawlna leh mihing thuneihnate' awlmawhlo a, angamtatna uh 'Leitungbup mihing thuneihna kipawlna" sungah teltakin kipulak hi. 

America ngam abulpi khat ahi "Physicians for Human Rights (PHR) kipawlna leh John Hopekin Balunbark cidamna nasem kipawlna leh mihing thuneihnate' kipawl khawmin abawl uh laibu sungah, " Ngalkap khutnuai-a nuntakna- Kawlngam Zongam sunga mipi tungah zawhsawhna tawh bawlsiatna thu" (Life Under the Junta: Evidence of Crimes Against Humanity in Burma's Chin State) cih lai sungah nasiatak in kisoi tel mamah hi.

Kipumpiak nasemte' hilhcianna (training) apiak khitciang, 2009-2010 kumte' Zongam sungah mi simna ciaptehna laimai 64 na sunga, pulakna ombangin Zomite'  sungpan innkuan mimal 3300 te' akidotna zong limtakin kisuaksak hi.

Zomite' kuli aana puasak, maii(mine) omte' asian'suah ingin, zang uha, leibawl leh lampi te' bawlsak in sum leh paai pekkhat zong pialo uh hi. Tute' bek hilo in, 1988 kum pan kipan Zongam pan  mi tul 70 val India tawh ngamngi ah peemsakin, Malaysia ngamah lampi om babang tawh mi tul 50 val bang mah kipai kheh suak hi. 

Geneva khuapi ah, maikal sunga thu kikup ing " Leitung bup mihing thuneihna tawh kisai" kikupna ah AAPP in kihel seilo ing himah leh Kawl ngam mihing thuneihna kikupna ah Zongam sunga Zomi te' mihing thuneihna palsatna thu lai tawh akipuak tungtawnin, kikupna nei ingin, ki lamen hi.