Russia ngam Mosco khuapi Vanleng tual sungah Bomb puak sam!

Mosco a Bomb puakna!

Russia ngam Mosco khuapi Domodedovo Airport sunga, Arrival Hall kici, mipi tawlngakkhopna munah, Jan 24, 2011 nitak lam nai 4:25pm hunpawlin, sihngama pumpi tunga Bomb puapa tawh mitam laitak lianin, puaksam saka, mi 35 sipaihin, 130 val in liamlawh hi. 2010 March sa inzong vei khat mah Subway (leisung kua) sungah Suicide Bomber kici sihngam mi 2 mahin, puaksam saka, mi 40 val si-in, 100 val bangin liamna ngah khin ngei hi.

Jan 24 ni-a Bomb puaksapna mun pen 2014 kum cianga Olympics atun' nang leh 2018 kum ciang World Cup bawhlung kidemna pawipi tun'nanga, nasiatak leh thupi taka apuah kipatna mun Sochi kici Russia ngam sungpan leitung bup pawi bawlnang mun hoih khat ahih manin, avuangyi pa'n akem cing ing, tampi behlap cih thuzong kiza hi. Hi banga Bomb puaksap khit bekin, apua lamah Ambulance (zato mawtaw) mawtaw atawm pen 20 leh meifelh mawtaw 10 tang bangin, apua ah ngak zihziah uh hi.