Egypt ngalkap uliante'n athau uh Nile ngun sungah vawkin, mipi tawh kipawl khawm!

Muhamed Elbaradei in, mipi te' million 1 val tawh lungfona kineih inghi cih Jan 30, 2011 hanthawnbehlai:

Egypt kumpi alangpan makaipi Dr Muhamed Elbaradei in, Jan 30, 2011 ni'n Tihari tualpi ah Tuesday niciangin, mipi teng 10 val bangin lungfona neito suak inghihang, tu hileh asawtlo in, kikhelna lianpi ong piang inghi ci'n thapiakna nei hi. Hibanga buaina hunsung mahin, kumpi Mubarak ii innkuanpih, akinaihuaipih teng zong; Arab, Europe leh England ngamte ah taai khin uh cih thukiza hi. Nidanga, Kumpi Mubarak hi nasem uliante', ngalkap mangte', parliament naseppih uliante' akipan mipite' tawh kipawl khawmin, lungfona nei uh cih thu kiza hi. Hi buaina hangin, nam ngimtui man leh, Egypt sum mante' lungmuanhuai lo hi.