Lamka, Bethel veng a teng Pa Kam Khan Kap zi Nu Lam Ngaih Biak ( Kum 29), pen January 5,2011 ( 8:32AM) hunin nausuak ding cina om laitak Siavuante in a sung a nau dam zo tuan lo ding cihna a muh ciangin January 5,2011 (8:32AM) hunin Dr. Zuii in a nu sung pan anau lakkhiatsak cih kiza hi.
Nu Lam Ngaih Biak in ta pasal 2 le numei 1 nei khin in, tu a pen a li na ding ahi hi. Naungek pen kha 8 pha khin ta in, a taksa dang teng pian ngeina bangin bukim a, ahi zongin a luguh om lo in a luvun bekin tuam in a sungah a khuakte bel om bilbel zel hi. A khacing a suak ahih hangin mihing pian ngei bang loin, a luguh kim lo ahih manin damzo tuan lo ding hi ci in, Dr. Zuii in gen hi. Tua banah Dr, Zuii in agenna ah , " A nu in a naupai a kipan Doctor te kiangah kilahna (check-up) ngei lo ahih manin, a sung a naungek om zia kithei lo ahihna zong gen beh lai hi.
Dr. Zuii in a gen kikikna ah, " Numei naupaite peuh mahin sum le paii neih le neihlo tawh kisai loin, nau suah ma khatvei nihvei peuh mah Doctorte kivelsak ding leh Ultra-sound kilak phamawh ahihna limtak gen hi. Tutung hih bang a nau melpoina zong Doctor te akivel (check-up) sak loh luat man ahihna zong gen hi.
Tukum a Lamka Zatopi ah naungek piang khia vekpi gawm, 2003 hi a, March kha in naungek 210 piang ci in kiciamteh hi. Tua banah tukum sung a ding a naungek pian tam na pen kha, March a naungek piang 210 lak ah pasal 130 pha in numei 80 pha hi.
Source by ZOL
No comments:
Post a Comment