A vei 2 na Pinlong thukikupna nei ingcih thu pen Kawl ngalkap kumpi te' tadensa (newspaper) sungah ki at na ah, lungsim ngaihsutna bek tawh hihet lo in, apiang seihtakpi dongin, hanciamin maban zom to inghihang ci'n minam makai te' pulak uh hi.
December 7, 2010 ni a kisoh tadensa sungah laitomna a at den pa Banya Aung in, " Ngam vai cih pen olno takin ngaihsun inghilo" thulu tawh Pinlong thukikup vei 2 na cih pen lungsim ngaihsutna linlian hi ci hi. Zuih ing thukhun (mu wadah) lamlak 7 tawh ki kitukalh ahih manin, akisep dong hanciam toleng, fattuamna sangin, supna lam tam zaw inghi cih pulak leh hi.
Federal Union kici suahtaakna tatak akingah matengin minam tuatuam makai te akipan kum 60 sung ngalvan tawi a, ahanciam te' tawh kikhawl ngeilo ing hi ci-in don leh uh hi.
Vei 2 na Pinlong thukikupna apianseih nang cih pen ngam kumpi te' langh pan'na hi vetlo hi, lungsim sungbek hihetlo a, akibawl seih dong kikhawl lo inghi ci-in U Aye Thar Aung in soi beh lai hi.
Democracy bangin kikalsuan to ing ci-a a aw..awng ngalkap kumpi te' pulak soi khehna leh asep khehna te' uh kilehbulh/ kitukalh den hi ci-in, langpang ngamvai makai te'n soikheh uh hi.
A vei 1 na Pinlong thukikupna pen 1947 kumin kinei a, tulai ah Kawlngam suahtaakna makai BogyokeAung San leh minam makai te' in thukimna letmat thuu uh hi.
No comments:
Post a Comment