Rakhine leh Bangla ngamgi kim, ngamsung khuahun pai zia noploh hun leh khuakhal sungin Malaysia ah nasep zong inga ongkuankheh mipua ngunkuang ngun piauzang pan Km 25 kim tuipitung atunciang kibungh in mi 60 tui sungah si hi cih thu Bangladesh ngam thupuak minthang The Daily Star suaksak uh hi.
Tu ngunkuang in mi 110 pua kimpua in ngun piauzang pan in Nov.7, 2012 ni in Malaysia ngam zuan in kuan kheh ahi cihi. Ngunkuang tung tuang mi 51 te pen angei aa, Ngabeng ngunkuangte in hon kheh zo bek hi. Mi 60 te pen tuipi sungah bomangcip fot hi cih kisuaksak hi.
Bangladesh tui ngalkapte in mi 11 hon kheh man sam uhhi. Tu mi 11 lakah 2 pen Rohingya minam hi in adang 9 te Bangladesh ngammi te ci uhhi. Hi mite in Malaysia apai nangin Bangladesh sum Rupees 22000/- pia uh hi cihi. Abeisa Oct 27 ni zong Malaysia pai ing ngunkuang kibungh ngei-in mi 128 lakah 6 bek in suahtak na ngah zobek uh hi.
ref:zomidaily
No comments:
Post a Comment