Kawlngam ah Democracy kalsuanna akizat seih nangin, makai hangsan pi ahi Daw Aung San Suu Kyi hi akisap babang panpih leh huh ing hi ung ci-in New Zealand Liberty party hi Foreign Ministry(ngam dang kizopna) sunga soi kheh seihnang thunei khat ahi Maramsti in pulak kheh hi.
Thursday (2/12/'10) ni-in Daw Aung San Suu Kyi leh Miss Sity minutes 20 val bang Kawl ngam Democracy ngahseih nang tawh kisai Telefong tawh thu kikupna nei sei uh hi.
New Zealand ngam kumpi thunei (Foreign Ministry nasem) Murray McCully ii hanthotna tungtawn bangin, Kawl ngam pen tulai tak UNO leh ngam dang atamzaw in Myanmar acih bang kisam lo inghi, amin masa Burma cihmah tawh ka sam suak unghi ci-in pulak lai uh hi. 1989 kum Ngalkap kumpi in Myanmar cih tawh alaih khit ciangin, UNO, China leh Asean ngam tengin seihpihna tawh zang tamah leh, asawt nailo inzong America in Myanmar cih sam fial hileh zong, Australia, Britain, France te leh kumpi langpang pawl khat te' zat bangin amin masa Burma mah kazang suak ung hi cih pulak uh hi.
Myanmar cih min UNO sunga ngam tampi in zang hita mah leh, Ngalkap kumpi thu tawh alaih hangin, ko New Zealand kumpi in, Myanmar cih pen nial in, Democracy ngah nang tawh kisai in, aki sam babangin, ka huh unghi, ci-in pulak kheh hi.
No comments:
Post a Comment