Khangno Democracy kizopdan sak khat phuat kheh ingin, November 22, 2010 ni-in, NLD thuzeekpi Daw Aung San Suu Kyi in, Magwe Division, Myothit Myo tavuan nei pa' Ko Aung Kyaw kiangah limtakin vaisak hi.Hi thu asoi na ah, Kayar leh Chin te' longal Pyinee leh Taing 12 te sungpan khangsak makai mi 130 val bang NLD zumpi ah nai 3 sung thu kikupna ah apulak kheh hi. Tu bek hilo in, Kawlpi pan a tavuan leh thuneihna akipia Daw Suu Kyi in, Khangno/khangsak Democracy lamlah kheh nang tawh kisai in, Pinlong thukikuppi ah, kuamah kideidanna omlo in, lawptak leh thangah taka, ih pan'h khop teking zong soi beh lai hi. Daw Suu Kyi ii mimal kembitna tavuan nei ingin, Bogyi Win Htein ki-ap hi. Taing leh Pyinee aom, khangnote' kepbitna/ kidalna tentan pia ingin zong thukimna kinei-a, khangno makai 2 te' tavuan kipia hi cih pen Ko Hla Oo in Mizzima te' kiangah pulak hi.
Kawl ngambuppi khangno nasepkalsuanna makai pi ingin mi 8 te banah khangno dangte' ahuh leh apanpih ingin mi 14 te' zong kikoih khin tahi. Tute' sungah kum 18 pan 35 dong bek hilo in, kum 12 tungsiah khangno tampi takte'zong kipumkhat leh thuluan khata, kalsuan seihnang hanciamlai ingzong makai te' pulak lai uh hi. Numei huhnapia kipawlna te' tawh zong Daw Suu Kyi kimuhna neilai ing hi. Tusa 19 ni-in, kiteelna alel Thathi Pohkala te' pawl khat tawh zong NLD kizopna neih ingin lungkimna nei uh hi.
No comments:
Post a Comment